დღის პოსტი
"ქართულ ოცნებას" უკვე მეორე ფრონტზე - ხაზარაძე-ჯაფარიძის წინააღმდეგ მოუწევს არც თუ იოლი პოლიტიკური ბრძოლა
დავით ზარდიაშვილი ◯ August 29,2019

როგორცა ჩანს, "ქართულ ოცნებას" უკვე მეორე ფრონტზე - ხაზარაძე-ჯაფარიძის წინააღმდეგ მოუწევს არც თუ იოლი პოლიტიკური ბრძოლაც; ვისთვის როგორ - ეს მეორე ფრონტიც "ანტი- ბიძინისტური" კოალიციის ნაწილი შეიძლება გახდეს; მაგრამ ეგეც არაფერი. მთავარი აი,ეს არის:

 

"ორი ფრონტი" კი არა, არამედ ორმაგი ბუნება და შიდა წინააღმდეგობა "ქართული ოცნებისა" :

 

- ერთის მხრივ, 'ქართულ ოცნებას" და მის თავმჯდომარეს, ერი-სახელმწიფოს ინტერესები აბარია და რასაკვირველია, მტრულ ძალასთან - ნაცებთან დაპირისპირებაში სამართალიც, სიმართლეცა და ზნეობაც, ასევე ქართველი ერის უდიდესი ნაწილიც მის მხარესაა;

 

- მეორეს მხრივ, "ქართული ოცნება" საუბედუროდ, სააკაშვილის კვაზი-სისტემის მემკვიდრეცაა და ისე იქცევა, როგორც "საკუთარ მოგებაზე ორიენტირებული ოლიგარქიის კორპორაცია" (ნაცური მიზანი, რომელიც ჯერ კიდევ 2000 წელს იქნა ზუსტად ამ სიტყვებით ფორმულირებული ზურაბ ჭიაბერაშვილის მიერ) ; ეს "მეორე ფრონტი" - ე.ი. ბიძინა vs ხაზარაძე-ჯაფარიძე სწორედ ამგვარი, "კორპორაციული ომების" აშკარა შთაბეჭდილებას ტოვებს და ერი-სახელმწიფოს ინტერესებში ეს ვერ იქნება; თუმცა - როგორც ანტი-ბიძინისტური კოალიციის ნაწილი, უეჭველია, ხაზარაძე-ჯაფარიძეც მტრული ძალის - ნაცების ინტერესებზე ითამაშებს და მას სხვა გზაც არ დარჩება;

 

ბუნებრივია, "ოცნებისთვის" ორ ფრონტზე ბრძოლაც იმდენად არ არის საბედისწერო, რამდენადაც მისი მთავარი მტერი - ის მავნე "კორპორაციული ბუნება", რაც სააკაშვილისგან მემკვიდრეობით ერგო.

 

ამოცანა ძალიან მძიმეა - ერთის მხრივ მტრულ ძალაზე საბოლოო გამარჯვება, მეორეს მხრივ კორპორაციულობიდან ერ-სახელმწიფომდე ტრანსფორმაციის ბოლომდე მიყვანა. ხოლო ეს ტრანსფორმაცია, სამართლებრივი, პოლიტიკური და სოციალურ-ეკონომიკური ნიჰილიზმის დაძლევას გულისხმობს;

 

გასაგებია - ძალიან ძნელია, მაგრამ ამ ბრძოლაზე გადის ჩვენი სახელმწიფოს ბედი.

 

რეალურ პრაგმატულ პოლიტიკურ ამოცანებამდე რომ დავიყვანოთ კორპორაციიდან ერ-სახელმწიფომდე ტრანსფორმაციის ეს სტრატეგიული მიზანი, მივიღებთ ასეთ დღის წესრიგს:


არც ერი-სახელმწიფოს და არც "ქართული ოცნების" ინტერესებში არ არის "მეორე ფრონტის" გახსნა; ჯობს ხაზარაძე-ჯაფარიძესთან სამართლიანი და სამართალზე დაყრდნობით, ზავი დაიდოს, თუკი, რასაკვირველია, უკვე ძალიან გვიან არ არის და ეს ჯერ კიდევ შესაძლებელია; ხოლო ნაცებს კი, თუ მათ ანტი-ბიძინსტური კოალიცია შექმნამდე დაეშალათ, არავითარი პერსპექტივა არ ექნებათ.

 

თავისთავადაც - სამართლებრივი ნიჰილიზმის დაძლევა, ანუ კანონის უზენაესობის გაბატონება ქვეყანაში მტრული ძალის წინააღმდეგ სამართლის უკომპრომისობასთან ერთად, ამასაც ნიშნავს: ხაზარაძე-ჯაფარიძის წინააღმდეგ სისხლის სამართლებრივი დევნა ან რაიმე საფუძვლიან, დამაჯერებელ ბრალდებას დაეყრდნოს, ანდა, მოინახოს ისეთი, პოლიტიკურად რაც შეიძლება ნაკლებ დამაზიანებელი, ფორმა, როცა ეს დევნა შეწყდება!

ტეგები: პოლიტიკური თემა
მსგავსი ტეგები
რას უნდა ითვალისწინებდეს საქართველოს კონსტიტუციის ახალი რედაქცია (II ნაწილი)
April 03,2017
რას უნდა ითვალისწინებდეს საქართველოს კონსტიტუციის ახალი რედაქცია (I ნაწილი)
April 03,2017
ფარცხა-თოდრიზმი და შარდენზე განავლომა 22-ე საუკუნეში გამოცემულ განმარტებით ლექსიკონში
May 26,2017
,,მწარე რეალობა" - გურამ სანადირაძის ბლოგი
September 04,2017
მწარე რეალობა - დაველაპარაკოთ თუ არა რუსეთს?
September 04,2017
პოლიტ-მედია დრამატურგიაში ნინია კაკაბაძეს "განხეთქილების ვაშლი" არგუნეს
April 13,2018
ინსტიტუციური კრიზისი „ოცნებაში“ - პარტია თუ ისევ კლიენტელა?
April 19,2018
რატომ უნდა ავირჩიოთ სალომე ზურაბიშვილი პრეზიდენტად
October 11,2018
როგორ ჩავატაროთ 2020 წლის არჩევნები და როგორ განვსაზღვროთ მისი ლეგიტიმურობა
December 03,2018
როგორ დავტოვეთ კოდორის ხეობა აფხაზეთში
December 05,2018
რომელი საარჩევნო სისტემა იქნება მისაღები საქართველოსთვის
February 15,2019
ახალი თვითგამორკვევა და დაბნეულობის 25 წელიწადი (პირველი წერილი)
March 13,2019
დეცენტრალიზაციის პოლიტიკის უმთავრესი სტრატეგიული მიზანი - თვითმმართველობის როლის არსებითი გაზრდაა
May 22,2019
"პროპორციული არჩევნებით პოლიტიკა ადგილობრივ კონტექსტს უმეტესწილად დაკარგავს"
June 25,2019
"შემაგინე და გესვრი"- პუტინის შურისძიება გინებაზე
July 10,2019