თბილისი-ვაშინგტონი: სამხედრო თანამშრომლობის ანალიზი როგორც საქართველოს პრეზიდენტმა მიხეილ სააკაშვილმა განაცხადა, მისმა ბოლოდორინდელმა ვიზიტმა ვაშინგტონში ქართულ-ამერიკული სტრატეგიული ურთიერთობები „ახალ საფეხურზე“ გადაიყვანა. ამერიკელი ჩინოვნიკები თავდაცვით სფეროში თანამშრომლობის საკითხებზე გაცილებით თავშეკავებულნი ჩანდნენ, რაც აჩენს კითხვას: მაინც კონკრეტულად რა განიხილეს ვაშინგტონში. ამ ორ ქვეყანას შორის თავდაცვით სფეროში თანამშრომლობა, რუსეთ-საქართველოს 2008 წლის ომის შემდეგ სამხრეთ ოსეთის გამო, საკმაოდ მწვავე საკითხად რჩება.

„პირადად მე ასეთი მხარდამჭერი და პარტნიორი პოლიტიკაში ჯერ არ მყოლია“ ახალ ალიანსს, რომელიც ბიძინა ივანიშვილის ირგვლივ იკვრება, კიდევ ერთი პარტია შეემატა - თავისუფალი დემოკრატებისა და რესპუბლიკელების რიგებს „ეროვნული ფორუმი" შეავსებს. თუმცა კი, თავისუფალი დემოკრატებისა და რესპუბლიკელებისგან განსხვავებით, ფორუმს ხანგრძლივად მოუწია ფიქრი, რომ აღნიშნულ ალიანსს შეერთებოდა, ან პირიქით - ივანიშვილმა გამოიყენა ეს დრო ფორუმზე დასაკვირვებლად. ვერ ვიტყვით, რომ ამ ინტერვიუს ყველაზე საინტერესო ნაწილი სწორედ ეს თემაა. კვლავაც აქტუალურია ამერიკის პეზიდენტთან მიხეილ სააკაშვილის შეხვედრა და შეხვედრა ვიცე-პრეზიდენტ ჯო ბაიდენთან. სხვათა შორის, ეს თემა ობამა-სააკაშვილის შეხვედრის განხილვებმა (შინ თუ გარეთ) გადაფარა და ყურადღების მიღმა დარჩა სწორედ ის საკითხები, რომელიც სავარაუდოდ ბაიდენთან შეხვედრის დროს უნდა განხილულიყო.

თამაზ ჭილაძე: წერა არის ჩემი თავშესაფარი თამაზ ჭილაძემ პირველი ლექსი 15 წლის ასაკში დაწერა, როგორც "ჯი-ეიჩ-ენთან" საუბარში აღნიშნავს, მისი ყველაზე დიდი კრიტიკოსი ძმა, ოთარ ჭილაძე იყო. ლიტერატურული მოღვაწეობა როგორც პოეტმა, ისე დაიწყო, თუმცა მისი შემოქმედებიდან ცნობილია მოთხრობები და რომანები: "შუადღე", "აჰა,მიიწურა ზამთარი", "წერო", "ვინ ცხოვრობს ვარსკვლავებზე?", "კაქტუსის ბაღი" და ა.შ..

8 თებერვალს, ქართული მართლმადიდებლური ეკლესია დავით აღმაშენებლის ხსენების დღეს აღნიშნავს. დღეს, 8 თებერვალს, ქართული მართლმადიდებლური ეკლესია დავით აღმაშენებლის ხსენების დღეს აღნიშნავს. ამასთან დაკავშირებით ყველა მართლმადიდებლურ ტაძარში წირვა-ლოცვა აღევლინება. დავით მეოთხე (1089-1125) სატახტო ქალაქ ქუთაისში 1073 წელს დაიბადა. იგი 16 წლის ასაკში ქვეყანაში შექმნილი პოლიტიკური ვითარების გამო ტახტზე ავიდა. დავითის დროს დაიწყო ქვეყნის აღმშენებლობა. მეფის თაოსნობით მოიწვიეს რუის-ურბნისის საეკლესიო კრება, რომელმაც სამეფო ხელისუფლების განმტკიცების ღონისძიებები გაატარა. მან თურქ-სელჩუკებისგან დარბეული ქვეყანა აღადგინა და დიდგორის ომში ისინი დაამარცხა. დავითის სახელს უკავშირდება გელათის ტაძრის მშენებლობა. მანვე დააარსა ქართული კულტურის ერთ-ერთი მნიშვნელოვანი კერა გელათის აკადემია. დავით მეფემ თავისი წვლილი შეიტანა ქართული ჰიმნოგრაფიის განვითარებაში. მას ეკუთვნის ორიგინალური პოეტური ნაწარმოები "გალობანი სინანულისანი". მადლიერმა ქართველმა ერმა მეფეს აღმაშენებელი უწოდა.