ავთანდილ დემეტრაშვილი - საპრეზიდენტო არჩევნების ვადის შეცვლის შემთხვევაში, კონსტიტუციური რეფორმა წყალში ჩაიყრება "თუ საკონსტიტუციო სასამართლო "ახალი თაობა - ახალი ინიციატივის" სარჩელს დააკმაყოფილებს და საპრეზიდენტო არჩევნების ვადა შეიცვლება, კონსტიტუციური რეფორმა, რომელიც 2009-2010 წლებში იქნა მიღებული, წყალში ჩაიყრება, რადგან დოკუმენტში პირდაპირაა ჩაწერილი, რომ ნორმები, რომელიც ამ რეფორმის დროს იყო დადგენილი და კონსტიტუციურ კანონში აისახა, 2013 წლის ოქტომბრის საპრეზიდენტო არჩევნებში არჩეული პრეზიდენტის ფიცის დადების მომენტიდან ამოქმედდეს. ანუ, ამ შემთხვევაში პრობლემას სიტყვა "ოქტომბერი" ქმნის და სწორედ ამ სიტყვის გამო საპრეზიდენტო არჩევნების 2013 წლის იანვარში ჩატარება კონსტიტუციური კანონის ამოქმედების საკითხს ეჭვქვეშ დააყენებს"

საქართველო: გააუმჯობესებს თუ არა ქართველების შრომით პირობებს აშშ-სთან თავისუფალ ვაჭრობაზე შეთანხმება? თბილისური სუპერმარკეტის ოცი წლის გამყიდველი ქრისტინა, კვირაში შვიდი დღის განმავლობაში, დღეში რვა საათს მუშაობს და მისი თვიური ანაზღაურება 121 დოლარია (200 ლარი), ამ თანხაში გადასახადებიც შედის. ხელფასს მას საათობრივად უხდიან, მაგრამ დეკემბრის ბოლოდან ანაზღაურება არ მიუღია. მაგრამ ის მუშაობას არ წყვეტს: ქვეყანაში, სადაც სამუშაო ადგილების დეფიციტია, მას არჩევანი არ აქვს. საქართველოს მცხოვრებლების უმრავლესობის მსგავსად, ქრისტინამაც გაიგო იმის შესახებ, რომ 30 იანვარს აშშ-ს პრეზიდენტმა ბარაკ ობამამ საქართველოსთან თავისუფალი ვაჭრობის შესახებ შეთანხმების გაფორმების „შესაძლებლობაზე“ ისაუბრა, მაგრამ მას წარმოდგენა არ აქვს, თუ როგორ აისახება ეს კონკრეტულად მის შრომით სიტუაციაზე.

მოსკოვმა უნდა იცოდეს, რომ ირანში ვითარების გამწვავების შემთხვევაში საქართველო და აზერბაიჯანი რეგიონში მარტონი არ არიან აშკარაა, რომ ირანის მხრიდან აქტიურობამ საომარი მოქმედებების დაწყების რისკები მნიშვნელოვნად გაზარდა. ძალიან ბევრი ვარაუდობს, რომ სამხედრო მოქმედებები ირანში შესაძლოა, მიმდინარე წლის გაზაფხულზე ანაც ზაფხულში დაიწყოს. რეალობა მესმის, მაგრამ იმედს ვიტოვებ, რომ ირანის ხელმძღვანელობას ეყოფა კეთილგონიერება, არ გადაკვეთოს წითელი ხაზი, ნაპოვნი იქნება კონფლიქტის გადაწყვეტის პოლიტიკური საშუალებები და ფართომასშტაბიანი სამხედრო დაპირისპირების თავიდან აცილება შესაძლებელი იქნება.