ილუზიების ტყვეობაში უნდა იყოს ადამიანი, რომ ფიქრობდეს, "ნაცმოძრაობა" თუნდაც ამერიკელი პარტნიორების ცვალებადი მოსაზრებების ფონზე დათმობს პოზიციებს რაც შეეხება საქართველოში აშშ-ს მომავალი ელჩის, ბატონ ნორლანდის მკვეთრ შეფასებას, თუკი ეს, რეალობას შეესაბამება და ამასთან დაკავშირებით საშიშროებას უსაფუძვლოდ არ გამოთქვამენ, ამან შესაძლოა საფრთხე შეუქმნას არჩევნების ჩატარებას. საქართველოსთვის არჩევნების წინ "მოსწორებული სათამაშო მოედნის" ვითარება ახალი არ არის და ჩვენ ამას მიჩვეულები ვართ. შეიძლება ითქვას, რომ საქართველოსთან მიმართებაში ამერიკელებმა, ამერიკა აღმოაჩინეს. იმას, რაც ბატონმა ნორლანდმა შენიშნა, ჩვენ შეგუებულები ვართ და თითქმის ჩვეული რეალობაა. რაც შეეხება არჩევნებზე ოპოზიციის მიერ გარკვეული წარმატების მიღწევას, გააჩნია, ვინ რას თვლის წარმატების მიღწევად. ალბათ, ილუზიების ტყვეობაში უნდა იყოს ადამიანი, რომ ფიქრობდეს - "ნაციონალური მოძრაობა" და მისი ლიდერი პოზიციებს, თუნდაც ამერიკელი პარტნიორების ცვალებადი მოსაზრებების ფონზე დათმობს

"მე მხოლოდ ვიკითხე, ვინ არის ჯონ ბასი-მეთქი" ეს არის ოპოზიციის შეფასება, რომელიც მუდმივად ცდილობს ყველაფრისგან სკანდალი გამოადნოს. საქართველოს ხელისუფლება ყოველთვის ცდილობს დაიცვას საქართველოს მოქალაქეების ინტერესი. ამიტომაც თქვა პრეზიდენტმა, საქართველოს მოქალაქეებს არ შეიძლება უდიერად ეპყრობოდეს არა მარტო ქართული ბიუროკრატია, არამედ უცხოურიც, რომელიც საქართველოს ტერიტორიაზე ფუნქციონირებსო. რაც შეეხება საქართველოსა და მისი ხელისუფლებისთვის მხარდაჭერას, ეს აშკარად გამოჩნდა საქართველოში მიმდინარე პროცესებთან დაკავშირებულ აშშ-ის პრეზიდენტის შეფასებებში. ოპოზიცია ტყუილად ფიქრობს, რომ აქედან სკანდალს გამოადნობს. აშშ-ის ოფიციალურ პოზიციას ახმოვანებს აშშ-ის პრეზიდენტი და ეს არის ჩვენთვის ყველაზე მნიშვნელოვანი.