გიორგი თავდგირიძე: საზღვართან ასეთი მასშტაბური სამხედრო წვრთნის ჩატარება კეთილმეზობელ სახელმწიფოსაც კი აღუძრავს ეჭვს „დაპირისპირების საფრთხე რეალურად, რა თქმა უნდა, არსებობს. საზღვართან სამხედრო წვრთნის ჩატარება ორ კეთილმეზობელ სახელმწიფოს შორისაც კი იწვევს ეჭვს და პროტესტს. საქართველოს საზღვრებთან ახლოს კი, უპრეცედენტო მასშტაბის წვრთნა იგეგმება, რომელიც რუსეთის შეიარაღებული ძალების საბრძოლო მზადყოფნაში მოყვანას ითვალისწინებს.

ანდერს ფოგ რასმუსენი: ნატო საქართველოში რეფორმების კუთხით განხორციელებულ ძალისხმევას ძალიან დადებითად აფასებს ნატოს „დიალოგი“ მის „განსაკუთრებულ პარტნიორთან“, საქართველოსთან, „ღრმა და ინტენსიურია“, განაცხადა ნატოს გენერალურმა მდივანმა, ანდერს ფოგ რასმუსენმა 3 აპრილს ბრიუსელში, სადაც ის შეხვდა პრეზიდენტ სააკაშვილს, რომელმაც თავის მხრივ აღნიშნა, რომ საქართველოს ახლა „ბევრად უკეთესი სამუშაო თანამშრომლობა აქვს ნატოსთან, ვიდრე ოდესმე“. რასმუსენთან შეხვედრის შემდეგ სააკაშვილმა სიტყვით მიმართა ნატო–საქართველოს კომისიის სხდომას –ორგანოს, რომელიც საქართველოსა და ალიანსს შორის თანამშრომლობის ძირითად ფორმატს წარმოადგენს.