მცხეთის ისტორიული ძეგლების კვლევა დაიწყო. კულტურის მინისტრმა და კულტურული მემკვიდრეობის დაცვის ეროვნული სააგენტოს ხელმძღვანელმა დღეს ბებრის ციხის დამეწყრილი კომპლექსი და სვეტიცხოვლის საკათედრო ტაძარში მიმდინარე გეოლოგიური კვლევით სამუშაოები დაათვალიერეს.

ბებრის ციხეზე დაიწყო ლაზერული კვლევა, რომლის შედეგადაც განისაზღვრება სარეაბილიტაციო ვადები. რაც შეეხება 14 ოქტომბრისთვის სვეტიცხოვლობის აღსანიშნავად დაგემილი ღონისძიებების დეტალებს, სვეტიცხოვლის 1000 წლის იუბილეს საქართველო იუნესკოსთან ერთად აღნიშნავს.

ამ დროისთვის იქნება მზად მიწისქვეშა კვლევის ანალიზი, რომელიც საქართველოში პირველად ჩატარდება და საშუალებას მისცემს სპეციალისტებს დაადგინონ - ემუქრება თუ არა საფრთხე უნიკალურ ქართულ ხუროთმოძღვრულ ძეგლს.