ევროკავშირის სპეციალურმა წარმომადგენელი პიტერ სემნები ოპოზიციასთან დაგეგმილი შეხვედრის ფარგლებში, დღეს დილიდან  სასტუმრო `თბილისი მარიოტში` ოპოზიციისთან შეხვედრებს მართავს.

პირველი შეხვედრა ქრისტიან-დემოკრატების მერობის კანდიდატ გია ჭანტურიასსა და ამავე პარტიის წევრ ნიკა ლალიაშვილთან გაიმართა. 
როგორც შეხვედრის შემდეგ გია ჭანტურიამ განაცხადა, საუბარი მოახლოებულ თვითმმართველობის არჩევნებს შეეხო.

`ვისაუბრე იმის შესახებ, რომ ეს არჩევნები ნამდვილად უნდა იყოს საქართველოსთვის შანსი, განვითარების სხვა საფეხურზე გადავიდეს. გარდა ამისა, ცხადია, რომ ჩვენ ვისაუბრეთ ყველა იმ დაპირებაზე, რომელსაც ვაძლევთ საზოგადოებას; ეს დაპირებები უნდა იყოს რეალისტური, რათა შემდეგ საზოგადოებას არ გაუჩნდეს  კიდევ ერთი დიდი იმედგაცრუების განცდა შეუსრულებელი დაპირებების გამო,`- განაცხადა გია ჭანტურიამ.

მისივე თქმით, პიტერ სემნები ძალიან დიდ მნიშვნელობას ანიჭებს არჩევნების დემოკრატიულად ჩატარებას და, რომ ეს იქნება მნიშვნელოვანი გამოცდა ქართული საზოგადოებისთვის.