„ ამ ფილმზე მუშაობის პროცესი ძალიან საინტერესო იყო, მე პირადად, ბევრი რამ ვისწავლე ამ ფილმით. მაგალითად, ის, რომ ინდოეთში თავი განსაკუთრებით უნდა დაიცვა ინფექციებისაგან. გადამღები ჯგუფის უმრავლესობას, რაღაც ინფექცია შეეყარა და ცუდად გახდნენ, მადლობა ღმერთს ყველაფერი კარგად დასრულდა. მხოლოდ მე, რეჟისორი და რამდენიმე კაცი ვგრძნობდით თავს კარგად. ეს ფილმი მაყურებელს საშუალებას აძლევს, ბევრ მნიშვნელოვან ცხოვრებისეულ საკითხებზე დაფიქრდეს."

-თქვენ შეგიძლიათ თუ არა, თქვენი გმირის მსგავსად ცხოვრება თავიდან დაიწყოთ და სამოგზაუროდ წახვიდეთ მთელი ერთი წლით?

-არამგონია, მსგავსი რამ გავაკეთო, ამის არანაირი საბაბი არ მაქვს ჩემი გმირისგან განსხვავებით, ეგეც არ იყოს ამის საშუალებას ჩემი გრაფიკი არ მომცემს. ძალიან ბევრი პროექტი მაქვს ჩაშვებული, ისეთი ფილმებია, რომლებზეც უარს ვერ ვიტყვი. საცხოვრებელი ადგილის გაცვლის შესაძლებლობა თუ მომეცემოდა ამერიკიდან ევროპაში წავიდოდი და იქაც აქტიურად ჩავებმებოდი კინობიზნესში. ევროპული კინო განსხვავებული და საინტერესოა ჩემთვის.

-ჟურნალისტები ამბობდნენ, რომ თქვენ „ წმინდა ვალენტინის დღის" გადაღებებზე, ეკრანზე წუთით გამოჩენისთვის 500 ათასი დოლარი გადაგიხადეს, მას შემდეგ ყველაზე მაღალანაზღაურებად მსახიობად ითვლებით ჰოლივუდში, როგორ ფიქრობთ, რატომ?

- ძალიან მარტივი მიზეზის გამო. მაყურებელს უნდა ეკრანზე დამინახოს, ეს მათი მოთხოვნაა. რაც შეეხება ფულს, დიდიხანია ვისწავლე, რომ მასთან ფილოსოფიური მიდგომაა საჭირო, ეს წარმატებაა და ჩვეულებრივი ამბავია ჰოლივუდში.