Powered by Jasper Roberts - Blog

 

 

18:00 24.10.2016
"ტროპიკანკა" - საზაფხულო ტორტი, რომელმაც ინტერნეტი "დაიპყრო"

"ტროპიკანკა" - ეს არც თუ ისე ახალი ტორტი დღეს განსაკუთრებით პოპულარული გახდა. მისი რეცეპტი რუსეთში ჯერ კიდევ 1990 წელს გაჩნდა, დღეს კი თითქოს ხელახლა იქნა "აღმოჩენილი" და ინტერნეტ საიტები აჭრელებულია მისი სურათებით. მოსამზადებლად არც თუ ისე რთულია, თუმცა დრო და ნერვები ნამდვილად დაგჭირდებათ.

 

მაშ ასე, გთავაზობთ "ტროპიკანკას" კლასიკურ რეცეპტს, რომელიც ტრადიციულ "შუს" ცომის, მოხარშულ კრემსა და სასურველი ხილის ასორტს ეფუძნება.

 

ინგრედიენტები ბისკვიტისთვის:

 

1 ჩ.ჭ. წყალი

1 ჩ.ჭ. ფქვილი

100 გ. კარაქი

4 ცალი კვერცხი

მწიკვი მარილი

 

მოცემული ინგრედიეტებით გამოდის 25х18 სმ-ის 3 ფენა.

 

მომზადება:

 

1. ქვაბში ვათავსებთ წყალს, კარაქს და მარილს. მივიყვანთ ადუღებამდე და კარაქის გალღობამდე.

image

 

2. ვამატებთ ცხელშივე ფქვილს და სწრაფად ავურევთ.

image

 

3. გადმოვდგამთ ცეცხლიდან და ოდნავ შევაგრილებთ.

image

 

4. შემდეგ თითო-თითოდ ვამატებთ კვერცხებს და მიქსერით კარგად ვთქვიფავთ ერთგვაროვანი მასის მიღებამდე.

image

 

5. მივიღებთ ასეთი კონსისტენციის ცომს.

image

 

6. პერგამენტზე ვხაზავთ მომავალი ბისკვიტის კონტურებს, რათა სამივე ფენა ერთი ზომის გამოვიდეს.

image

 

7. კონტურებზე საკონდიტრო შპრიცით გადაგვაქვს ცომი. გამოდის ბადისებური ფორმის ნახაზი.

 

image

8. სამიდან ერთ-ერთ ფენას დიაგონალური ბადე უნდა ჰქონდეს.

 

image

 

9. ვაცხობთ 180 გრადუსზე, 20-25 წთ.

image

 

ინგრედიენტები კრემისთვის:

 

1 ცალი კვერცხი

1 ჩ.ჭ. შაქარი

4 ს.კ. ფქვილი

1 ლ. რძე

300 გ. კარაქი (ოთახის ტემპერატურის)

2 ს.კ. კონიაკი

ვანილი

 

კრემის მომზადება:

 

ნახევარი ჩ.ჭ. რძე, ფქვილი და კვერცხი ავთქვიფოთ. ცალკე გავაცხელოთ დარჩენილი რძე და შაქარი, შევურიოთ ფქვილიანი ნარევი და მივიყვანოთ ადუღებამდე. კრემი უნდა შესქელდეს. გავაგრილოთ. შევურიოთ კონიაკი და ოთახის ტემპერატურის კარაქი.

 

ან კიდევ შეგიძლიათ მოამზადოთ თქვენს მიერ უკვე გამოცდილი რეცეპტით, ჩვეულებრივი მოხარშული კრემი.

 

ტორტის აწყობა:

 

10. პირველ ფენაზე წავუსვათ კრემი, მოვაწყოთ რამდენიმე სახის დაჭრილი ხილი. დავაფაროთ მეორე ფენა და ა.შ.

image

image

 

11. ბოლო ფენაზე შეგვიძლია წავუსვათ კრემი, მოვრთოთ ხილით და ზემოდან გადავასხათ ჟელე (ეს არის კლასიკური ვარიანტი).

 

image

 

image


12. ან კიდევ, მოვრთოთ ჩვენი სურვილისამებრ, ნებისმიერი სახის ცივი კრემით თუ ბეზეთი.


image
image
image

ავტორ(ებ)ი : geotimes.ge