Powered by Jasper Roberts - Blog

 

 

16:15 21.10.2017
ამ დროის მონაცემებით, არჩევნებში ყველაზე მაღალი აქტივობა კი რაჭა-ლეჩხუმში ფიქსირდება

15:00 საათის მონაცემებით, თვითმმართველობის არჩევნებზე ამომრჩეველთა 29.84%-იანი აქტივობა დაფიქსირდა, - ამის შესახებ ცესკო-ს სპიკერმა ანა მიქელაძემ ბრიფინგზე განაცხადა. 



მისი განმარტებით, საქართველოს მასშტაბით სულ 1 026 430 ამომრჩეველმა მიიღო არჩევნებში მონაწილეობა. 



ცესკო-ს მონაცემებით, ყველაზე მაღალი აქტივობა რაჭა-ლეჩხუმში ფიქსირდება, სადაც ამომრჩეველთა 46% საარჩევნო უბნებზე უკვე მივიდა და თავისი არჩევანი დააფიქსირა. 


ყველაზე დაბალი აქტივობა შიდა ქართლშია, სადაც ამომრჩევლის მხოლოდ 25%-იანი აქტივობა დაფიქსირდა.



რაც შეეხება დედაქალაქს, 15:00 საათის მონაცემებით, თბილისში ამომრჩეველთა 27.7% უკვე იმყოფებოდა საარჩევნმო უბნებზე.



შედარებისთვის, 2014 წლის თვითმმართველობის არჩევნებზე, 15:00 საათზე ამომრჩევლის აქტივობა 28.9%-ს შეადგენდა. 



დღეს საქართველოში თვითმმართველობის არჩევნები მიმდინარეობს.

ავტორ(ებ)ი : Geotimes.ge