Powered by Jasper Roberts - Blog

 

 

18:32 18.05.2019
„არსებობს საფუძვლიანი ეჭვი, რომ „ნაციონალურ მოძრაობას“ უნდა არჩევნების ჩაშლა, არეულობის შემოტანა“

არსებობს საფუძვლიანი ეჭვი იმის, რომ „ნაციონალურ მოძრაობას“ აქვს სურვილი არჩევნების ჩაშლის, - ამის შესახებ ქართული ოცნების“ გენერალურმა მდივანმა, თბილისის მერმა კახა კალაძემ 19 მაისის შუალედურ არჩევნებზე საუბრისას განაცხადა: 

 

„ყველა კანდიდატს მთელი ამ კამპანიის განმავლობაში ჰქონდა შესაძლებლობა წარედგინა საკუთარი ხედვები ადგილობრივი მოსახლეობისთვის. შეიძლება იყო პატარა ექსცესები, თუმცა ყველა ასეთ ექსცესზე მოხდა რეაგირება. რაც შეეხება ხვალინდელ არჩევნებს ჩვენ ვისმენთ, რომ გარკვეული რაოდენობა ადამიანების მიჰყავთ დედაქალაქიდან. არსებობს საფუძვლიანი ეჭვი იმის, რომ „ნაციონალურ მოძრაობას“ აქვს სურვილი არჩევნების ჩაშლის, არეულობის შემოტანის, თუმცა შესაბამისმა სამსახურებმა ყველაფერი უნდა გავაკეთოთ, რათა ამის უფლება არავის მიეცეს. არავითარ შემთხვევაში არ უნდა მოხდეს არეულობა. ეს კატეგორიულად მიღებელია. ჩვენ ასევე მოვისმინეთ ცესკოს განცხადება, რომ მაქსიმალურად უნდა იყოს მობილიზებული შესაბამისი სამსახურები, რომ მშვიდობიან გარემოში მოხდეს არჩევნების წარმართვა", - განაცხადა კახა კალაძემ.

ავტორ(ებ)ი : geotimes.ge