Powered by Jasper Roberts - Blog

 

 

20:26 17.06.2019
„ვაუქმებთ პატრულირებას“, - ამის შესახებ ლევან ვასაძემ ვერის ბაღში შეკრებილ მოქალაქეებს განუცხადა

ვაუქმებთ პატრულირებას, - ამის შესახებ ვერის ბაღში შეკრებილ მოქალაქეებს, ლევან ვასაძემ განუცხადა. ლევან ვასაძის განცხადებით, ამის მიზეზი შს სამინისტროს მიერ მიღებული გადაწყვეტილებაა. ლევან ვასაძემ შს სამინისტროს წორი პოზიციისთვის მადლობა გადაუხადა, თუმცა აღნიშნა, რომ საჭიროების შემთხვევაში მოქალაქეები პატრულირებას განაახლებენ.

 

"პატრულირებას ვაუქმებთ, ჩვენი შს სამინისტროს პატივისცემითა და მადლიერებით. იმედია, ეს პროპაგანდა არ გაიმართება, თუ არადა ერთი ტელეფონის ღილაკი და გავჩნდებით იქ, სადაც საჭიროა", - განაცხადა ლევან ვასაძემ.

 

ცნობისთვის, შსს-მ სახალხო რაზმების პატრულირების შესახებ ლევან ვასაძის განცხადებაზე გამოძიება დაიწყო. როგორც უწყებაში აცხადებენ, გამოძიება უკანონო ფორმირების შექმნის, ხელმძღვანელობის და მასში გაწევრიანების ფაქტებზე, საქართველოს სისხლის სამართლის კოდექსის 223-ე მუხლის პირველი ნაწილით მიმდინარეობს. ამასთან, დღეს შინაგან საქმეთა სამინისტროში სახალხო დამცველსა და პრაიდის ორგანიზატორებს შორის შეხვედრა გაიმართა.ლომჯარიას განცხადებით, შინაგან საქმეთა სამინისტროს პოზიციაა, რომ პრაიდი არ უნდა ჩატარდეს.

ავტორ(ებ)ი : geotimes.ge