Powered by Jasper Roberts - Blog

 

 

12:38 14.08.2019
"იმედი გვაქვს, რომ ანაკლიის კონსორციუმი ჩაეტევა ვადაში, ჩვენ კი, ყველაფერს ვაკეთებთ იმისთვის, რომ მათ გვერდით დავუდგეთ" - ნათია თურნავა

ჩვენ იმედი გვაქვს, რომ ანაკლიის კონსორციუმი ჩაეტევა ვადაში. ყველაფერს ვაკეთებთ იმისთვის, რომ მათ გვერდით დავუდგეთ,- ამის შესახებ ჟურნალისტებს საქართველოს ეკონომიკისა და მდგრადი განვითარების მინისტრმა, ნათია თურნავამ „ანაკლიის განვითრების კონსორციუმის“ მიერ ნაკისრი ვალდებულებების შესრულებასთან დაკავშირებით განუცხადა.

 

როგორც მინისტრი აცხადებს, აქვს იმედი, რომ კონსორციუმი ვალდებულებებს შეასრულებს.


„ჩვენ იმედი გვაქვს, რომ ანაკლიის კონსორციუმი ჩაეტევა ვადაში. ყველაფერს ვაკეთებთ იმისთვის, რომ გვერდში დავუდგეთ მათ და გვაქვს მოლოდინი, რომ ისინი შეასრულებენ თავის ვალდებულებას. მოდით, დაველოდოთ და ნუ გავასწრებთ მოვლენებს. პროექტი ჩვენთვს ძალიან მნიშვნელოვანია, ამიტომ ჩვენ დიდი მოთმინებით ველოდებით კონსორციუმის მხრიდან ნაკისრი ვალდებულებების შესრულებას,“ - აცხადებს თურნავა.

 

შეგახსენებთ, რომ რეგიონული განვითარებისა და ინფრასტრუქტურის სამინისტროს ინფორმაციით, მხარეებს შორის ანაკლიის პორტის სესხის პირობებზე შეთანხმება მიმდინარე წლის 15 ოქტომბრამდე უნდა დასრულდეს.

ავტორ(ებ)ი : geotimes.ge