14 წლის წინ, 1993 წლის ნოემბერში, გაჩნდა იდეა, მას დაემატა სურვილი და მონდომება, ძიება და რისკი. შედგა _ სრულიად ახლებური სტილი და ხედვა ქართულ პრესაში – სამენოვანი ყოველკვირეული გაზეთი "ჯორჯიან თაიმსი". გამომცემელთა და დამფუძნებელთა მიზანი იყო ქართველი ხალხის იდეური და მორალური მხარდაჭერა და ქვეყნის ირგვლივ არსებული საინფორმაციო ვაკუუმის გარღვევა, რათა დანარჩენი მსოფლიოსათვის გვემცნო ამბავი თანამედროვე საქართველოზე.

განვლილი წლების მანძილზე "ჯორჯიან თაიმსმა" სოლიდური საქმიანი პაკეტი შექმნა მრავალი დამოუკიდებელი სტრუქტურით, რომლებიც დღეს ერთ მთელს, ყველაზე წარმატებულ სახელს ქმნის ქართულ მედია ბიზნესში.

 მედია ჰოლდინგ "ჯორჯიან თაიმსის" ისტორია 1993 წლის ნოემბერიდან, სამენოვანი გაზეთის გამოცემით იწყება;

1994 წელი _ გამოდის დამოუკიდებელი ინგლისურენოვანი ყოველკვირეული გაზეთი "ჯორჯიან თაიმსი".

იმ პერიოდისათვის იგი პირველი ბეჭვდითი ხიდია კავკასიისა და დანარჩენ სამყაროს შორის. დღესაც, კავკასიაში მიმდინარე პროცესების შესახებ ამ გაზეთით იგებს მსოფლიო და სწორედ ამიტომ გაზეთების მსოფლიო ასოციაციის კონგრესზე, "ჯორჯიან თაიმსთან" თანამშრომლობის სურვილი არა ერთმა უცხოურმა გაზეთმა გამოთქვა. უცხოელ კოლეგებთან პარტნიორული ურთიერთობები "ჯორჯიან თაიმსისთვის" საუკეთესო აღიარებაა.

1994 წელი _ კავკასიური სტრატეგიული კვლევების ცენტრი "აზრი". იგი ჰოლდინგის ინტელექტუალური ძრავაა, რომელიც აქტიურად თანამშრომლობს საერთაშორისო ორგანიზაციებთან.

"ჯორჯიან თაიმსის" პოლიტიკური და ბიზნესტექნოლოგიების ცენტრი ემსახურება ეროვნული თვითშეგნების განვითარებას და საქართველოს წარმოჩენას გარესამყაროს სპექტრში. ცენტრი მუშაობს იქ, სადაც დიდი პოლიტიკა და დიდი ბიზნესია.

1995 წელი –პირველი ბიზნეს რეიტინგი, რომელიც ყოველწლიურად ავლენს საუკეთესოს ეროვნული ბიზნესში.

ამ რეტინგში მონაწილეობა ნებისმიერი საქმიანი ადამიანისთვის აღიარება და გამარჯვებაა. ,,ჯორჯიან თაიმსი “ იყო პირველი, რომელმაც ქვეყნის უახლესი ისტორიის ყველაზე მძიმე წლებში განსაზღვრა საყოველთაო მხარდაჭერის ობიექტი _ ეროვნული ბიზნესი.

 ჩვენი კომპანიის წვლილს ქართველი ბიზნესმენის სახის ჩამოყალიბებაში, მის წარმოჩენასა და პოპულარიზაციაში არა მარტო საქმიანი, არამედ პოლიტიკური სამყაროც აღიარებს.

1996 წელი _ იქმნება "ჯ.თ" გამომცემლობა უზრუნველყოფს ნებისმიერი დონის ული მომსახურების სრულ ციკლს.

"ჯ.თ". გამომცემლობას პარტნიორები ჰყავს, როგორც საქართველოში, ასევე _ საზღვარგარეთ. ვასრულებთ ნებისმიერი სირთულის ჰოლიგრაფიულ სამუშაოს. ,,ჯორჯიან თაიმსის” მიერ გამოცემული გაზეთები, ჟურნალები, ბუკლეტები, წლიური ანგარიშები, პლაკატები, ეტიკეტები, კალენდრები, კატალოგები, სარეკლამო სუვენირები და სხვა პროდუქცია არაერთი სოლიდური კომპანიის მუშაობას უწევს პოპულარიზაციას.

1996 წელი _ გამოდის პირველი მაღალპოლიგრაფიული გამოცემა საქართველოში, განსხვავებული შინაარსისა და ფორმის სარეკლამო_საიმიჯო ორენოვანი კატალოგი _ ,,Leader Today”.

 კატალოგმა თავისი არსით და ხელშეწყობით გაზარდა ეროვნული ბიზნესის პოპულარიზაციის გეოგრეფია და შორეულ უცხოეთში არაერთ ადამიანს გაუჩინა საქართველოში ინვესტიციების დაბანდების სურვილი.

1997 წელი _ ყალიბდება ,,ჯორჯიან თაიმსის” დიზაინ-სტუდია და არტ-სამსახურის მოღვაწეობის სფერო ჰოლდინგის ყველა გამოცემემაზე ვრცელდება.

გამოდის თანამედროვე სტანდარტების პროდუქცია –სარეკლამო, ტელე და რადიო, საგამომცემლო, საცერემონიო, სამოდელო, საიმიჯო, ინტერიერ-ექსტერიერის დიზაინი, საფირმო სტილი, ლოგო, სავაჭრო ნიშანი.

,,ჯორჯიან თაიმსის” დიზაინ-სტუდია საქრთელოში და უკვე უცხოეთშიც კარგად ცნობილი შემოქმდებითი სახელოსნოა. მისი პროდუქცია არაერთი საერთაშორისო კონკურსის გამარჯვებულია.

1998 წელი _ "ჯორჯიან თაიმსს"-ში შემოდის სოციოლოგიური და მარკეტინგული კვლევების ცენტრი _ "გორბი".

ცენტრს უდიდესი გავლენა და ნდობა აქვს დსთ-სა და აღმოსავლეთ ევროპაში, კავკასიისა და ცენტრალურ აზიაში და ყველგან ჰყავს საქმიანი პარტნიორები. "გორბი" ყოველთვის მიუკერძოებელ, სანდო და ობიექტურ ინფორმაციასთან ასოცირდება.

1999 წელი _ იქმნება მძლავრი სარეკლამო სამსახური _

"ჯ.თ." სარეკლამო სააგენტოს აქვს მომსახურების სრული პაკეტი _ კრიატივი, სარეკლამო პრდუქციის დამზადება და განთავსება. "ჯ.თ."-ში დამზადებული ნებისმიერი რეკლამა ადვილად ამოსაცნობია, რადგან ორიგინალური იდეითა და მაღალმხატრულობით გამოირჩევა. მედია-ჰოლდინგის სარეკლამო სამსახური კლიენტისთვის მისაღებ ფასებში ათავსებს ნებისმიერი სახის რეკლამას საქართველოს ნებისმიერ კუთხეში და მასმედიაში, როგორც საქართველოში, ასევე მის ფარგლებს გარეთ.

2000 წელი _ "ჯ.თ."-ის სარეკლამო სამსახურთან იქმნება PR-ჯგუფი, რომელიც ერთ-ერთი მძლავრი სტრუქტურაა ჰოლდინგში.

 "ჯ.თ"-ს ფიარ ჯგუფი ემსახურება საქართველოში არსებულ სხვადასხვა საზოგადოებრივ და სახელმწიფო ინსტიტუტებს, არაკომერციულ ორგანიზაციებსა და სხვ. "ჯ.თ"-ის ფიარ ჯგუფს შეუძლია ლობისტური მომსახურების წარმოება ხელისუფლებისა და საქმიანი წრეების წარმოამდგენლებთან.

2000 წელი _ იქმნება "ჯ.თ"-ის ჟურნალისტური გამოძიება. ამ სპეციფიკით მომუშავე ჟურნალისტები საზოგადოებისთვის ყველაზე საინტერესო, საჭირბოროტო და აქტუალურ მასალებს იკვლევენ და ამზადებენ დასაბეჭდათ.

2000 წელი _ ყალიბდება უახლესი ტექნიკური განყოფილება, რომელიც უზრუნველყოფს ჰოლდინგის ინტერნეტ მომსახურებას და მუდმივ აქტივობას მსოფლიოს გლობალურ საინფორმაციო ქსელში. ამ განყოფილებაში ერთიანდება ვებ სტუდია _ ინტერნეტ გამოცემები. ეს სერვისი მოიცავს; საიტის მოდელის შექმნას, კონსტალტინგს, დიზაინს, პროგრამირებას, მონაცემთა ბაზას, საიტის ავტომატური მხარდაჭერის სისტემას, რეკლამური ლოკალური ქსელების შექმნას.

 გაზეთი "ჯორჯიან თაიმსი" ინტელექტუალური მკითხველისთვისაა განკუთვნილი და მისი მიზანია ეროვნულ ნებაზე აღმოცენებული ქართული ნაციონალური პოლიტიკის ფორმირება.

2001 წელი _ ყალიბდება საინფორმაციო სამსახური "ჯ.თ _ ნიუსი”. ოპერატიული საინფორმაციო ბაზა ქართულ, რუსულ და ინგლისურ ენებზე, არა მარტო საქართველოდან, არამედ მთელი კავკასიიდან.

2002 წელი _ იქმნება გამოცდილი სპეციალისტებით დაკონპლექტებული იმიჯ-სამსახური "მრჩეველი". ამ დარგში არსებული უახლესი ტექნოლოგიების, ინფორმაციის გავრცელების ფართო ქსელისა და მოძიების უმძლავრესი სამსახურის მეშვეობით ვაგვარებთ ურთიერთობებს საზოგადოების ნებისმიერ ფენასთან. ჩვენი იმიჯმეიკერები ზრუნავენ კლიენტის შესაძლებლობების წარმოჩენისთვის დროისა და სიტუაციის შესაბამისად.

2002 წელი _ ყალიბდება ფოტოსტუდია "საქართველოს თვალი" თავისი უდიდესი და უნიკალური ფოტო-არქივით. ფოტოსტუდია საშულებას გვაძლევს ეფექტურად ვითანამშრომლოთ მედიის სხვადასხვა წარმოამდგენლებთან.

2002 წელი _ იქმნება "ჯ.თ" -ის შოუბიზნეს ჯგუფი. ახალ სამსახურს ხელეწიფება ნებისმიერი მასშტაბის და თემატიკის ღონისძიების ორგანიზება, ნამდვილი ზეიმისა და დიდებული სანახაობის მოწყობა. "ჯ.თ" -ის შოუ ბიზნეს ჯგუფი ერთ-ერთი წამყვანი კომპანიაა საქართველოში. მისი საპროდიუსერო საქმიანობა ვრცელდება კავკასიასა და დსთ-ის ქვეყნებში. ჯგუფის შემოქმედებით ანგარიშზეა სამასზე მეტი ღონისძიება: ფესტივალები, შემოქმედებითი საღამოები, პერსონალური და კომპანიის იუბილეები, გალა და სოლო კონცერტები.

2003 წელი _ იქმნება "ჯ.თ-პროდაქშენ" ფილმების სტუდია. იგი დაკომპლექტებულია ნიჭიერი, დიდი ფანტაზიისა და პრაქტიკის მქონე რეჟისორებით, სცენარიტებით, ანიმატორებით, კლიპმეიკერებით. მის საქმიანობაში შედის დოკუმენტური, მხატრული, ანიმაციური ფილმების, სარეკლამო-საიმიჯო კლიპების შექმნა. კომპანიას ყავს უამრავი დამკვეთი, როგორც საქართველოში, ასევე _ უცხოეთში. მისი კრიატივის მომსახურებით ხშირად სარგებლობს ქართული პოლიტიკური და ბიზნეს-ელიტა.

2004 წელი _ გამოდის "The BestGeorgia Banks" ბუკლეტი

 საქართველოს საუკეთესო ბანკებზე. ბუკლეტში შევიდა 2004 წლის ყველა წარმატებული ბანკი: ბანკი რესპუბლიკა, პროკრედიტ ბანკი, გაერთიანებული ქართული ბანკი და საქართველოს ბანკი. უნდა აღინიშნოს, რომ ყველა ეს ბანკი დრესაც წარმატებულია და ქართული საფინანსო სივრცის ავანგარდში დგას.

2005 წელი _ იქმნება GBC _ "ჯორჯიან ბიზნეს კონსალტინგი". მოიცავს მასმდიის სფეროს და უზრუნველყოფს ინფორმაციის მიწოდების თანამედროვე ტექნოლოგიებს.

2006 წელი _ "ჯორჯიან თაიმსი" საქართველოს ბიზნესსტატისტიკის მონცემებზე დაყრდნობით აფართოებს ბიზნესრეიტინგის სპექტრს. ქართული ბიზნესი მკვეთრად გამოხატულ დასავლური მოთხოვნილებების შესაბამის სტრუქტურებში შედის. "ჯორჯიან თაიმსი" უზრუნველყოფს ბიზნესელიტისათვის ახალ, თანამედროვე იმიჯის მოპოვებას საზოგადოებაში.

 2007 წელი _ ელექტრონული გაზეთი `Georgian Times" სამენოვანია. ქართულ, რუსულ და ინგლისურ ენებზე მოწოდებულ ინტერნეტ ინფორმაციებს ყოველდღიურად ათიათასობით მომხმარებელი ეცნობა. ჩვენს აუდიტორიას საქართველოსთან ერთად შეადგენს რუსეთი, პოსტსაბჭოური სივრცე, ამერიკა და ევროპა.

გაზეთის ელექტრონული ვერსიის განახლებასა და მრავალფეროვნებაზე მუდმივად ზრუნავს პროფესიონალ დიზაინერთა ჯგუფი. ელექტრონულიგაზეთიდან მიღებული ინფორმაციები ხშირად იბეჭდება ისეთ მსოფლიო საინფორმაციო საშუალებებსი, როგორიცაა "ნიურკ თაიმსი", "ლოს ანჯელეს თაიმსი", "იზვესტია", "კომერსანტი", "ინოსმი", "გარდიენი", "ვაშიგტონ პოსტი", "გუგლ ნიუსი", "პანდესპლატი" და სხვ.

      14 წლის წინ, 1993 წლის ნოემბერში, გაჩნდა იდეა, მას დაემატა სურვილი და მონდომება, ძიება და რისკი. შედგა _ სრულიად ახლებური სტილი და ხედვა ქართულ პრესაში – სამენოვანი ყოველკვირეული გაზეთი "ჯორჯიან თაიმსი".     გამომცემელთა და დამფუძნებელთა მიზანი იყო ქართველი ხალხის იდეური და მორალური მხარდაჭერა და ქვეყნის ირგვლივ არსებული საინფორმაციო ვაკუუმის გარღვევა, რათა დანარჩენი მსოფლიოსათვის გვემცნო ამბავი თანამედროვე საქართველოზე.