თუ სააკაშვილის გუნდი არჩევნებში წარმატებას მიაღწევს, ბუნებრივია, რაღაც ფორმით იგი პოლიტიკაში დარჩება პრინციპში, ხელისუფლების პოლიტიკაში შეიმჩნევა გარკვეული მოდიფიკაცია. დაახლეობით ერთი წელია, აქცენტი კეთდება სოციალურ პრობლემატიკაზე. მას შემდეგ, რაც ცხადი გახდა, რომ გარკვეული წარმატებები რეფორმების გატარებაში მიღწეულია, ხელისუფლება მიხვდა, რომ თუ წარმატების შედეგების გავრცელება მოსახლეობის დიდ ნაწილზე არ მოხდა, ეს საბოლოო ჯამში თავად მმართველი გუნდისთვის წამგებიანი იქნება. ხელისუფლება უმოკლეს ვადებში ცდილობს, მოსახლეობამ იგრძნოს რეფორმების სიკეთე. ჩემი აზრით, ეს სამუშაო იქნება საკმაოდ სერიოზული და რთული.