წიკლაური „ქართულ ოცნებას“ შეიარაღებულ ფორმირებებთან კავშირში ადანაშაულებს საპარლამენტო უმრავლესობის წარმომადგენელი ნუგზარ წიკლაური ირიბად ადასტურებს იმას, რომ ხელისუფლება შეიარაღებულ რაზმებს ქმნის. შეიარაღებული რაზმების შექმნის შესახებ განცხადება „თავისუფალი დემოკრატების“ ლიდერმა, ირაკლი ალასანიამ 15 მარტს დიპლომატებთან გამართულ შეხვედრაზე გააკეთა. წიკლაური ამბობს, რომ ამ რაზმების არსებობა დამალული არ არის და ესენი მოხალისე რეზერვისტები არიან. თუმცა, მისი თქმით, ალასანიას ეს განცხადება საგანგაშო იმით არის, რომ მან აღიარა მისი პოლიტიკური ძალის კავშირი შეიარაღებულ დაჯგუფებებთან და სათანადო ორგანოებს მოუწოდებს, ამ საკითხით განსაკუთრებულად დაინტერესდნენ.