ზაზა ფირალიშვილი - ხელისუფლება სიტუაციის ესკალაციას ახდენს პოლიტიკა ხომ მხოლოდ ძალაუფლებისთვის ბრძოლა არ არის, რაც მთავარია, იდეათა, ქვეყნის განვითარების კონცეფციათა კონკურენციაა, საზოგადოებრივი დიალოგისა და თანამშრომლობის რეჟიმია. დღევანდელი ხელისუფლება მინებებულია 2003 წლის რევოლუციურ ფრაზეოლოგიას და ყველაფერს აკეთებს საიმისოდ, რომ ეს არ მოხდეს და ნებისმიერი სერიოზული ალტერნატივის გამოჩენას აპოკალიფტურად აღიქვამს. სამწუხაროა, რომ ეს, ერთი შეხედვით, ლიბერალური და დემოკრატიული ფრაზეოლოგიით მეტყველი ადამიანები თანდათან იქცნენ ჩაკეტილ წრედ, რომელსაც ჭეშმარიტების მონოპოლური ფლობის პრეტენზია აქვს.