ამერიკელებმა აფხაზეთში ხანძრის ჩაქრობა დაიწყეს

მარინა პერევოზკინა

 გასულ კვირას სოხუმში აშშ-ის სახელმწიფო დეპარტამენტის წარმომადგენლები იმყოფებოდნენ: სახელმწიფო მდივნის თანამშემწის მოადგილემ მეთიუ ბრაიზამ და საქართველოში აშშ-ის ელჩმა ჯონ ტეფტმა არაღიარებული რესპუბლიკის ხელმძღვანელობას თბილისთან დიალოგში საშუამვლო სამსახური შესთავაზეს.

როგორც “ნეგას” სოხუმიდან ერთ-ერთმა წყარომ აცნობა, აფხაზეთის პრეზიდენტმა საქართველოსთან მოლაპარაკების განახლების პირობად კოდორის ხეობიდან ქართული სამხედრო ქვედანაყოფების გამოყვანა დაასახელა. ამერიკული დელეგაციის ვიზიტი ვაშინგტონის შეშფოთებით აიხსნება: არაა გამორიცხული, რომ აფხაზეთის ირგვლივ მიმდინარე პროცესებმა უკონტროლო ხასიათი მიიღოს.

მთელი გასული კვირის განმავლობაში აფხაზეთ-საქართველოს შორის სიტუაცია ომის ზღვარზე იდგა, ორივე მხრიდან აგრესიული განცხადებები გაისმოდა… (…) “ამერიკელთა ვიზიტის მიზანი იყო განეხილათ მოლაპარაკების პროცესის განახლების შესაძლებლობა და შეეფასებინათ, რამდენად ვართ აგრესიულად განწყობილნი”, - განაცხადა “ნეგა”-სთან საუბარში აფხაზეთის საგარეო საქმეთა მინისტრმა სერგეი შამბამ, რომელიც მოლაპარაკებაში მონაწილეობდა, - “როცა აქ ჩამოვიდნენ, მათ ჩვენთვის მიხეილ სააკაშვილის გეგმა არც დაუძალებიათ.

ჩვენ ვუთხარით, რომ ჩვენც გვაქვს გეგმა სახელწოდებით “მომავლის გასაღები”, რომელიც ორი წლის საქართველოს შევთავაზეთ. ამერიკელები დაგვპირდნენ, რომ ორივე მხარის წინადადებებს ყურადრებით შეისწვლიან. ჩვენ დავადასტურეთ ჩვენი პოზიცია, რომლის თანახმად, მოლაპარაკება მხოლოდ კოდორის ხეობიდან ქართული ჯარის გამოყვანის შემდეგ შეიძლება განახლდეს.

ასევე განვაცხადეთ, რომ ერთადერთი საკითხი, რაზეც მზად ვართ ვიმსჯელოთ, ეს მხოლოდ კოდორის ხეობის საკითხია და პოლიტიკურ პრობლემების განხილვას ამჟამად მიზანშეუწონლად ვთვლით”. სერგეი შამბას თქმით, მეთიუ ბრაიზამ განაცხადა, საქართველო იმიტომ უშვებს თავის უპილოტო თვითმფრინავებს აფხაზეთისკენ, რომ საკუთარ უსაფრთხოებაში სურს დარწმუნდესო, “მაგრამ ჩვენ ამერიკელების პოზიციას არ ვეთანხმებით, საქართველო ამგვარი მოქმედებით ადრე დადებულ ხელშეკრულებას არღვევენ”, - თქვა სერგეი შამბამ.

ამერიკელთა დელეგაციამ 20 აპრილის ავიაინცინდენტის გამოძიება მოითხოვა. “ჩვენ ამ მოთხოვნას მხოლოდ იმ შემთხვევაში დავეთანხმებით, თუ რამდენიმე კითხვაზე პასუხს მივიღებთ: პირველი - ითვლება თუ არა ამ თვითმფრინავების ფრენა დარღვევად? მეორე - ქართველები უარყოფენ იმას, რომ ჩვენ კიდევ სამი თვითმფრინავი ჩამოვაგდეთ. დაე, დაითვალონ, რამდენი თვითმფრინავი იყიდეს და ახლა რამდენი დარჩათ…

 და მესამე - იყო თუ არა ეს ფრენები გაეროს დამკვირვებლებთან შეთანხმბეული? სხვათა შორის, მეთიუ ბრაიზას აფხაზეთისადმი რუსეთის მიერ ეკონომიკური სანქციების მოხსნის ფაქტი არ დაუგმია. ამასობაში კი თბილისის რიტორიკა მკვეთრად შეიცვალა: პრეზიდენტმა მიხეილ სააკაშვილმა განაცხადა, რომ მას რუსეთთან პირდაპირი დიალოგის გამართვა სურს, თუმცა აღნიშნა, რომ რამდენიმე დღის წინ საქართველო რუსეთთან ომის საფრთხის წინაშე იდგა.

სოხუმში თვლიან, რომ ომის საფრთხე სწორედ საქართველოს მხრიდან იყო და მისი თავიდან აცილება მხოლოდ რუსეთის აქტიური ჩარევით მოხდა.