რუსმა ოკუპანტებმა გალის რაიონის სოფელ ჭუბურხინჯში 90-მდე ჯარისკაცი შეიყვანეს
გუშინ, გვიან ღამით რუსმა ოკუპანტებმა გალის რაიონის სოფელ ჭუბურხინჯში 90-მდე ჯარისკაცი შეიყვანეს.
როგორც "აფხაზეთის მედიაცენტრს" გალის რაიონიდან აცნობეს, ამის მიზეზად რუსების ბლოკსაგუშაგოსთან აფხაზური სპეცდანიშნულების რაზმისა და ოკუპანტების შეტაკება სახელდება.
ჭუბურხინჯში რუსი პოლკოვნიკის, როგოზინის ჩასვლის შემდეგ ე.წ. ნალუმუს დასახლებაში ვითარება განიმუხტა. პოლკოვნიკმა აფხაზური სპეცდანიშნულების რაზმის ხელმძღვანელს ტერიტორიის დატვოება მოსთხოვა, რის შემდგომაც სეპარატისტებმა რუსების ბლოკსაგუშაგო ყოველგავრი წინააღმდეგობის გარეშე დაუყოვნებლივ დატოვეს და გალის მიმართულებით გავიდნენ.
მედიაცენტრის ინფორმაციით. დასახლების ტერიტორიაზე რუსების საზენიტო და საარტილერიო დანადგარებია განლაგებული. ცენტრალურ ხიდზე კი რუსმა ოკუპანტებმა თავიანთი ბლოკ-საგუშაგო მოხსნეს და იქ აფხაზი მებაჟეები და მესაზღვრეები ჩააყენეს.
