საქართველოს გერმანიის თავდაცვის სამინისტროს საპარლამენტო მდივანი ეწვია. თომას ქასენდაი შეხვდა საქართველოს თავდაცვის მინისტრს დავით სიხარულიძეს.

მხარეებმა ქვეყნის თავდაცვისა და უსაფრთხოების სფეროებში ურთიერთთანამშრომლობის საკითხები განიხილეს.

როგორც გერმანელმა სტუმარმა ჟურნალისტებთან განაცხადა, გერმანია კიდევ ერთხელ გამოხატავს მზადყოფნას, შეასრულოს ბუქარესტის სამიტზე მიღწეული შეთანხმება.

`გერმანია შეასრულებს ბუქარესტის სამიტზე მიღწეულ შეთანხმებას. საქართველო აუცილებლად გახდება ნატო-ს წევრი. ჩვენ ხელს შევუწყობთ თავდაცვის სამინისტროს, რათა განვითარების პროცესი კიდევ უფრო გაფართოვდეს და მოხდეს უფრო კვალიფიციური კადრების მომზადება`,_ აღნიშნა თომას კოსენდაიმ.

თავდაცვის მინისტრმა დავით სიხარულიძემ კი აღნიშნა, რომ  საუბარი ეხებოდა თანამშრომლობის სფეროს მნიშვნელოვან საკითხებს და გერმანია კვლავ მზად არის,  დახმარება გაუწიოს საქართველოს ამ კუთხით.

მისივე თქმით, გერმანია  ინარჩუნებს ბუქარესტის სამიტის შეთანხმების და მასში  საქართველოს ტერიტორიული მთლიანობის შესახებ არსებული  პუნქტების შესრულების კურსს.

ვიზიტის ფარგლებში ტომას კასენდაი სერჟანტთა მომზადების სკოლას მოინახულებს. სკოლას რამდენიმე წელია კონსულტაციებს გერმანული მხარე უწევს.