ტურიზმის დეპარტამენტს ხელმძღვანელად პეტრე კანკავა დაინიშნა
ტურიზმის დეპარტამენტს ახალი ხელმძღვანელი ჰყავს. როგორც ეკონომიკური განვითარების მინისტრმა ლაშა ჟვანიამ განაცხადა, აღნიშნულ პოსტზე პეტრე კანკავა დაინიშნა, რომელიც კვიპროსში საქართველოს ელჩის მოვალეობას ასრულებდა.
მისივე თქმით, კანკავა გამოცდილი დიპლომატია, დიდი გამოცდილება აქვს უცხოელებთან ურთიერთობასა და საზღვარგარეთ საქართველოს წარმოჩენაში.
ლაშა ჟვანიამ აღნიშნა, რომ ტურიზმის განვითარება წელს ერთ-ერთი მნიშვნელოვანი პრიორიტეტია.
“ტურიზმის სფეროში არსებობს ბევრი ინოვაცია, განსაკუთრებით მნიშვნელოვანია საქართველოს იმიჯის აღდგენა, როგორც უსაფრთხო და სტაბილური ქვეყნის. ეს ერთმნიშვნელოვნად პოზიტიურ გავლენას მოახდენს, როგორც ინვესტიციების მოზიდვაზე, ისე ტურიზმის განვითარებაზე, ორივე მიმართულება კი ახალი სამუშაო ადგილების შექმნას შეუწყობს ხელს”,-განაცხადა ლაშა ჟვანიამ.
