საქართველოში, 2009 წლის მონაცემებით, აივ-შიდსის 60-ზე მეტი ახალი შემთხვევა გამოვლინდა.

როგორც “ინტერპრესნიუსს” ინფექციური პათოლოგიის, შიდსისა და კლინიკური იმუნოლოგიის ცენტრიდან აცნობეს, 2008 წლის შესაბამის პერიოდთან შედარებით, წელს აივ-შიდსის მაჩვენებლები გაზრდილია და 2009 წლის იანვრიდან 9 მარტამდე  65 ახალი შემთხვევა გამოვლინდა.

2009 წლის 9 მარტის მონაცემებით, ინფექციური პათოლოგიის, შიდსისა და კლინიკური იმუნოლოგიის ცენტრში რეგისტრირებულია შიდსის ვირუსით ინფიცირების 1916 შემთხვევა, 1443 – მამაკაცი, 473 – ქალი.

პაციენტთა უმრავლესობა 29-დან 35 წლამდეა. შიდსი განუვითარდა 1006 პაციენტს, 420 გარდაიცვალა; მკურნალობს 471 პაციენტი, მათ შორის  - 24 ბავშვია. 

აივ-შიდსით დაინფიცირებულთა 59.8% ნარკოტიკების ინექციური მომხმარებელია; 33.2% ჰეტეროსექსუალური კონტაქტის შედეგად დაინფიცირდა;  2.7%  - ჰომო-ბისექსუალური კონტაქტით; 2.3%  - ვერტიკალური გადაცემის გზით; 0.7% სისხლის გადასხმით, ხოლო 1.3%-ის შემთხვევაში გადაცემის გზა დაუდგენელია.