“დემოკრატიული მოძრაობა-ერთიანი საქართველოს” წევრებისთვის ბრლი ჯერ არ წაუყენებიათ.

როგორც “ინტერპრესნიუსს” ბადრი ბიწაძის მძღოლის მამუკა შენგელიას ადვოკატმა დავით ხომერიკმა განუცხადა, მისი დაცვის ქვეშ მყოფთან მიმართებაში ბრალის წაყენების 48-საათიანი ვადა დღეს საღამოს იწურება.

ერთ-ერთი დაკავებულის როინ ბუღაშვილის ადვოკატმა ირაკლი გრძელიძემ კი აღნიშნა,  რომ მის დასაცავ პირს ბრალის წარდგენის ვადა ხვალ, 06:00 საათზე ეწურება.

მისივე თქმით, გამოძიებაში არაფერი შეცვლილა, დაკავებულები დუმილის უფლებას იყენებენ და დარღვევებს ადგილი არ ჰქონია.

კონსტიტუციური უსაფრთხოების დეპარტამენტმა გამთენიისას ნინო ბურჯანაძის პარტიის  „დემოკრატიული მოძრაობა – ერთიანი საქართველოს“  წევრები გუშინ, გათენიისას დააკავა. ბათუმში დააკავეს ზურაბ ავალიანი, ნუგზარ გოგრიჭიძე და დათო გოგრაჭაძე, თბილისში  - ვახო ნარსია, მამუკა შენგელია, ვახო თუშმალიშვილი, როინ ბუღაშვილი, გიორგი გიას ძე ბოლაშვილი (დაბ. 1981 წელს) და გიორგი ბოლაშვილი.

ისინი ეჭვმიტანილები არიან იარაღის შეძენა-შენახვაში. შსს-მ გუშინ გაავრცელა ფარული ვიდეომასალა, საიდანაც ჩანს, როგორ აწარმოებენ დაკავებულები მოლაპარაკებებს იარაღის შესყიდვაზე და ყიდულობენ იარაღს.