ამერიკის შეერთებული შტატებისა და საქართველოს ორმხრივი თანამშრომლობის გაღრმავების საკითხები განიხილეს აშშ-ს სახელმწიფო მდივანმა ჰილარი კლინტონმა და საქართველოს საგარეო საქმეთა მინისტრმა გრიგოლ ვაშაძემ გუშინ ვაშინგტონში გამართულ შეხვედრაზე.
როგორც შეხვედრისას ჰილარი კლინტონმა განაცხადა, საქართველოს საგარეო საქმეთა მინისტრი ამერიკის შეერთებული შტატებში ახალგაზრდა დემოკრატიის ქვეყნისთვის ძალიან რთულ დროს იმყოფება.
მისივე თქმით, საუბარი შეეხო თანამშრომლობისთვის მნიშვნელვან საკითხებს, რომლებიც ხაზს უსვამს ამერიკის ძლიერ მხარდაჭერას საქართველოს დამოუკიდებლობისა და დემოკრატიული განვითარების მიმართ.
“ჩვენ ვეძებთ გზებს, რათა ჩვენი თანამშრომლობა და პარტნიორობა უფრო გაფართოვდეს და გვაღრმავდეს”,– დასძინა კლინტონმა.
გრიგოლ ვაშაძის განცხადებით კი, აგვისტოს ომის დროს და შემდეგ პერიოდში ამერიკის შეერთებული შტატების მიერ დაფიქსირებული პოზიცია საქართველოს მიმართ არ შეცვლილა და არც შეიცვლება.
|
