სამოქალაქო ავიაციის საერთაშორისო ორგანიზაცია - ICAO სოხუმის აეროპორტისთვის საერთაშორისო კოდის გამოყოფის შესახებ ინფორმაციას არ ადასტურებს. ამის შესახებ ორგანიზაციის ხელმძღვანელებმა აშშ-ში საქართველოს ელჩთან ბათუ ქუთელიასთან შეხვედრაზე განაცხადეს.

კერძოდ, ქუთელია `ICAO`-ს გენერალურ მდივანს რეიმონდ ბენჟამინსა და საბჭოს პრეზიდენტს რობერტ გონსალესს შეხვდა. ელჩმა მათ აფხაზეთში ამ მხრივ არსებული ვითარებისა და რუსეთის მიერ განხორციელებული ფრენების შესახებ მიაწოდა ინფორმაცია.

შეხვედრაზე ასევე იმსჯელეს ნორმების დარღვევით ფრენების თავიდან აცილების სამოქმედო გეგმაზეც. ბათუ ქუთელიამ მოუწოდა `ICAO`-ს წევრ ქვეყნებს, ბაბუშერას აერპორტში ფრენებისგან თავი შეიკავონ.
მოსკოვმა ბაბუშერას აეროპორტს კოდი მარტში გამოუყო.