`როცა საქართველოს პრეზიდენტი მიხეილ სააკაშვილი არ იქნება, ქართული ჯარი მოსკოვში 9 მაისის აღლუმში მონაწილეობას მიიღებს,`- ამის შესახებ თბილისის აეროპორტში რუსეთიდან დაბრუნებულმა ზურაბ ნოღაიდელმა ისაუბრა.
ყოფილი პრემიერის თქმით, ამ დროისთვის საქართველოს ერთიანობის პრობლემაც მოგვარებული იქნება.
მოსკოვში ნოღაიდელი ფაშიზმზე გამარჯვების წლისთავის აღსანიშნავად გაემგზავრა. ის პაკლონნაია გორაზე გამართულ ცერემონიას დაესწრო, თუმცა ნინო ბურჯანაძისგან განსხვავებით, აღლუმზე არ იმყოფებოდა.
`მოძრაობა სამართლიანი საქართველოსთვის`თავმჯდომარე მიიჩნევს, რომ მიწვევის მიუხედავად, ის, როგორც ოპოზიციის წარმომადგენელი, წითელ მოედანზე ცერემონიას არ უნდა დასწრებოდა.
|
პოლიტიკა
