აფხაზეთის მთავრობის თავმჯდომარემ გია ბარამია ბათუმში, ლერმონტოვის ქუჩაზე მცხოვრებ დევნილებს შეხვდა და მათ საცხოვრებელ პირობებს გაეცნო. აჭარის მთავრობის თავმჯდომარესთან, დავით ვარშალომიძესთან ერთად მან ის სახლები დაათვალიერა, რომლებიც მათ ცოტა ხნის წინ საკუთრებაში გადაეცათ.

`დღეს ჩვენ შევხდით დევნილებს. მათ უამრავი პრობლემა აქვთ და ვცდილობთ, ისინი გავითვალისწინოთ. დევნილებმა უნდა იცოდნენ, რომ მათი მთავრობა ამ პრობლემების მოგვარებაზე მუდმივად ზრუნავს,`- განაცხადა ბარამიამ.

შეხვედრაზე იძულებით გადაადგილებულთა სოციალურ პრობლემებზე ისაუბრეს. ბარამიამ და ვარშალომიძემ მათ საჩუქრად სურსათი გადასცეს. ხვალ აფხაზეთის მთავრობის თავმჯდომარე ხობსა და ფოთსაც ეწვევა და იქ მცხოვრებ დევნილებს დახმარებას გადასცემს.