14 ქვეყნიდან ჩამოსული ექსპერტები კიბერდანაშაულის გამოძიების დეტალებზე და პრევენციულ ღონისძიებებზე მსჯელობენ. ორდღიან რეგიონულ კონფერენციაზე, რომელიც დღეს გაიხსნა, ყურადღება ამ კუთხით საერთაშორისო თანამშრომლობის გაძლიერებას დაეთმობა.

შეხვედრას ექსპერტებთან ერთად ინტერპოლისა და კერძო სექტორების წარმომადგენლებიც ესწრებიან. პროექტის მიზანია ამ მიმართულებით საქართველოს ბრძოლისუნარიანობის გაზრდა. კიბერდანაშაულის შესახებ ევროსაბჭოს კონვენციას საქართველო ორი წლის წინ შეუერთდა.