ლეიბორისტული პარტია ევროკავშირისგან ითხოვს საქართველოს ხელისუფლებას მისცეს რეკომენდაცია ვადამდელი საპრეზიდენტო არჩევნების ჩატარების შესახებ.

ეს განცხადება ლეიბორისტული პარტიის ლიდერმა შალვა ნათელაშვილმა ევროკავშირის სპეციალურ წარმომადგენელთან სამხრეთ კავკასიაში პიტერ სემნებთან გამართული შეხვედრის შემდეგ ჟურნალისტებთან საუბარში გააკეთა.  

მისი თქმით, შეხვედრაზე მათ კიდევ ერთხელ დაადასტურეს, რომ ადგილობრივ არჩევნებში არ იღებენ მონაწილეობას და სემნებს ბოიკოტის მიზეზები გააცნეს.

ნათელაშვილის თქმით, მათ სემნებს ასევე გააცნეს ის ფაქტი, რომ პარტიას არ მიეცა საშუალება სრულფასოვნად ჩაეტარებინა ყრილობა, გარდა ამისა, ლეიბორისტების ლიდერმა განაცხადა, რომ ტელევიზიები მათ ღონისძიებებს  ობიეტქურად არ აშუქებენ.