საბანკო ანგარიშების მიხედვით, “ლეიბორისტი” დეპუტატების ოჯახებიდან ყველაზე “მდიდარი” შალვა ნათელაშვილის ოჯახია.
ქონებრივი დეკლარაციის თანახმად, შალვა ნათელაშვილის მეუღლეს, ბელა ალანიას ვენის ცენტრალურ ბანკში 117 500 ევროს ანაბარი აქვს გახსნილი. შალვა ნათელაშვილს კი, “თი-ბი-სი” ბანკში და “პროკრედიტ ბანკში” საკრედიტო ხაზი აქვს.
აღსანიშნავია ის გარემოება, რომ საკრედიტო ხაზთან მიმართებაში საჯარო მოხელეები ვალდებულნი არიან დეკლარაციაში მიუთითონ მხოლოდ ის თანხა, რაც დეკლარაციის შევსების მომენტში აქვთ და, შესაბამისად, არ ჩანს, კრედიტის ოდენობა.
რაც შეეხება სახელფასო თანხას, ერთი წლის განმავლობაში შალვა ნათელაშვილს პარლამენტის წევრის ხელფასისთვის დაერიცხა 64 395.0 ლარი. ამასთან, ნათლეაშვილს დეკლარაციაშიც მითითებული აქვს, რომ პარლამენტის წევრი “ფორმალურად” არის. იოსებ შატბერაშვილის ანაბარი “ტაოპროვატ ბანკში” მხოლოდ 500 დოლარს შეადგენს, თუმცა აქვს სამი საკრედიტო ხაზი, მათ შორის “საქართველოს ბანკის” “ორანჯქარდიც”.
იოსებ შატბერაშვილს ხელფას სახით ერთი წლის განმავლობაში 37 245.0 ლარი დაერიცხა, მისი შემოსავლის ერთ-ერთი წყარო კი, მისი არასაცხოვრებელი ფართების და ბინი იჯარით გაცემიდან მიღებული თანხებია, რამაც გასულ წელს სულ 22 800 ლარი შეადგინა.
აღსანიშნავია ის გარემოება, რომ გიორგი გუგავას ანაბარი აქვს და არც საკრედიტო ბარათები. ხელფასის სახით კი გასულ ერთ წელს 7 245.0 ლარი დაერიცხა, ხელფასს “საქართველოს ბანკში” იღებს და ჯერ კიდევ აქვს ანგარიშზე 4 000 ლარი.
რაც შეეხება კახაბერ ძაგანიას, მის ოჯახში ანაბარი მხოლოდ მის მეუღლეს აქვს – “თი-ბი-სი” ბანკში 25 000 ლარის ოდენობით. საკრედიტო ხაზი კი, ძაგანიას არც ერთ ოჯახის წევრს არ აქვს გახსნილი. ძაგანიას პარლამენტის წევრობისთვის ერთი წლის მანძილზე 37 465 ლარი დაერიცხა, მისი მეუღლის შემოსავალი, შპს “სილქნეტის” თბილისის სერვის ცენტრების უფროსის მოადგლეობისთვის, მთელის წლის განმავლობაში სულ 3 400 ლარი იყო.
ქონებრივ დეკლარაციაში საჯარო მოხელეები შრომის ანაზღაურების კუთხით მიუთითებენ თანხას, რომელიც მათ დაერიცხათ, თუმცა დაქვითვის შედეგად სინი ხელზე უფრო ცოტას იღებენ.
“ინტერპრესნიუსი” დეპუტატთა დეკლარაციებს გაცნობას მომავალშიც განაგრძობს.
|
Facebook
Twitter
Linked
Youtube
პოლიტიკა
