ორი საათის განმავლობაში პარალიზებული იყო სატრანსპორტო მიმოსვლა გურჯაანი-აფენი-ლაგოდეხის მიმართულებით. გურჯაანის ბაზრის მიმდებარე ტერიტორიაზე კლდის ნაწილი დილის ხუთ საათზე ჩამოინგრა. კლდის მიმდებარე ტერიტორიაზე მცხოვრებ ათ ოჯახს ნაშალი კლდე სერიოზულ საშიშროებას უქმნის.

როგორც ადგილობრივები ამბობენ, ეს პირველი შემთხვევა არ არის და კლდე პერიოდულად ნელ-ნელა იშლება, ბოლო ნგრევა კი გახშირებულმა წვიმებმა გამოიწვია.

ამ დროისთვის მობილიზებულია სამაშველო ტექნიკა, მიმდინარეობს გზის გაწმენდა. კლდეს გამაგრებითი სამუშაოები ჩაუტარდება.