 დღეს ბევრი თვლის, რომ გავრცელებული მრავალრიცხოვანი ინფარქტები და ინსულტები, თანამედროვე საზოგადოების ცხოვრების წესის შედეგია. როგორც ამერიკელმა მეცნიერებმა აღმოაჩინეს, ეს არასწორი მტკიცება ყოფილა. მათ ახლახანს ჩაატარეს ეგვიპტის დედოფლის რაის მუმიის გამოკვლევა, რომელიც 3,5 ათასი წლის წინ, 1580-1540 წლებში ცხოვრობდა. აღმოჩნდა, რომ 40 წლის პრინცესას სიკვდილის მიზეზი ათეროსკლეროზი ყოფილა. როგორც, ქალაქ ირვინის კალიფორნიის უნივერსიტეტის მეცნიერებმა დაამტკიცეს, ძველ ეგვიპტელებს სისხლძარღვების პრობლემები აწუხებდათ. „მიუხედავად იმის, რომ ძველი და თანამედროვე ადამიანის ცხოვრების წესი ერთმანეთისგან ბევრად განსხვავდებან, აღმოვაჩინეთ, რომ ძველ ეგვიპტელებში სისხლძაღვთა დაავადებები ფართოდ ყოფილა გავრცელებული, რაც მათი სოციალურ-ეკონომიკური მაღალი სტატუსით განისაზღვრებოდა“,- განაცხადა დოქტორმა გრეგორ თომასმა. კალიფორნიელ მეცნიერთა აღმოჩენიდან გამომდინარე, გამოდის, რომ გულსისხლძარღვთა დაავადება კაცობრიობის უძველესი პრობლემა ყოფილა.
|
Facebook
Twitter
Linked
Youtube
პოლიტიკა
