|
საქართველოს პრეზიდენტის დავალებით საგარეო საქმეთა სამინისტრომ 2012 წლის ოქტომბერში დაგეგმილ არჩევნებზე დამკვირვებლების გამოგზავნის თხოვნით, საერთაშორისო ინსტიტუტებს ოფიციალური მოსაწვევი გაუგზავნა. როგორც დღეს გამართულ ბრიფინგზე პრეზიდენტის პრესსპიკერმა მანანა მანჯგალაძემ განაცხადა, ოფიციალური წერილში ხაზგასმულია საქართველოს სურვილი, საერთაშორისო დამკვირვებლები საქართველოს შეუზღუდავი რაოდენობით რაც შეიძლება მოკლე დროში ეწვიონ, რათა დააკვირდნენ, როგორც წინასაარჩევნო პერიოდში მიმდინარე მოვლენებს, ისე უშუალოდ საარჩევნო პროცესს. საგარეო საქმეთა სამინისტრომ, ასევე თხოვნით მიმართა ევროკომისიის ვიცე-პრეზიდენტს ქ-ნ კეტრინ ეშტონს, მედია მონიტორინგის პროექტის დაფინანსებასთან დაკავშირებით.
აღსანიშნავია, რომ არჩევნებამდე თითქმის 7 თვით ადრე საერთაშორისო დამკვირვებლების ოფიციალურად მოწვევა, არჩევნებზე დაკვირვების საერთაშორისო პრაქტიკაში უპრეცედენტო მოვლენას წარმოადგენს.
|
პოლიტიკა
