26 მაისს საქართველოს დამოუკიდებლობის დღესთან დაკავშირებით გამართულ  საზეიმო აღლუმს გაერთიანებული შტაბის უფროსი ზაზა გოგავა უხელმძღვანელებს.

თავდაცვის სამინისტროს ცნობით, აღლუმზე   სულ 14 575 სამხედრო გამოვა. შეიარაღებული ძალები 11 075 ჯარისკაცით იქნება წარმოდგენილი, დანარჩენ 3 500-ს კი რეზერვისტები შეადგენენ; რაც შეეხება მძიმე ტექნიკას, აღლუმზე 80 ერთეული ~ლენდროვერი~, 19 ერთეული - БТР-80,12 ერთეული 152-მმ-იანი საარტილერიო დანადგარი ~DANA~,14 ერთეული ~კამაზი~ და 120 ერთეული ~კრაზი~ იქნება წარმოდგენლი, სულ 245 ერთეული. გარდა ამისა, თავდაცვის სამინისტრო 40 ერთეული საფრენი აპარატის გამოყვანას გეგმავს, მათ შორის: 4 ერთეული ~იროკეზი~,14 ერთეული სამხედრო-სატრანსპორტო შვეულმფრენი Ми-8,  8 ერთეული საბრძოლო შვეულმფრენი Ми-24, 10 ერთეული მოიერიშე ტიპის თვითმფრინავი Су-25 და 4 ერთეული სასწავლო-საბრძოლო თვითმფრინავი L-39 ~ალბატროსი~.

საზეიმო აღლუმი 12.00 საათზე დაიწყება და საათსა და ორმოც წუთს გასტანს.