გალის რაიონის სოფელ განახლებაში 5 შეიარაღებული პირი თავს დაესხა რუხაიების ოჯახს. სახლში მოხუცი ცოლ-ქმარი იმყოფებოდა. მიხეილ რუხაიამ თავდამსხმელებს წინააღმდეგობა გაუწია, რომლებმაც იგი ცეცხლსასროლი იარაღით ფეხებში დაჭრეს.
სოფლის მოსახლეობის მტკიცებით, რუხაიების ოჯახს ძვირფასეულობა არ გააჩნია, რის გამოც ბოროტმოქმედებმა სახლიდან ვერაფერი წაიღეს და სოფელი სროლით დატოვეს.
დაჭრილი მიხეილ რუხაია საავადმყოფოშია გადაყვანილი. მისი თქმით, თავდამსხმელები ქართულად და რუსულად საუბრობდნენ.
