„უკრაინის ომი მსოფლიოში ყველაზე რთული კონფლიქტია, თუმცა მისი მოგვარება მხოლოდ დროის საკითხია," - ამის შესახებ აშშ-ის ვიცეპრეზიდენტმა ჯეი დი ვენსმა ჟურნალისტებთან საუბრისას განაცხადა. 

„რა თქმა უნდა, ეს რთული მოსაგვარებელია. ვფიქრობ თუ არა, რომ ეს საბოლოოდ მოგვარდება? დიახ. უბრალოდ, ეს დროის საკითხია", - განაცხადა ვენსმა და დასძინა, რომ ის აშშ-ისა და უკრაინის პრეზიდენტების შეხვედრის შემდეგ  გარკვეულ პროგრესს ელის. 

ამასთან, ვენსის თქმით, თეთრი სახლის ლიდერი თავის უკრაინელ კოლეგას 22 ან 23 სექტემბერს შეხვდება.