27.10.2026 17:38
ვლადიმერ პუტინთან საუბარი 90 წუთი გაგრძელდა, - ამის შესახებ ნორვეგიის პრემიერ-მინისტრმა, იონას გარ სტორემ განაცხადა.
იონას გარ სტორეს განცხადებით, რუსეთის პრეზიდენტ ვლადიმერ პუტინთან სატელეფონო საუბარი „შინაარსიანი, კონკრეტულ საკითხებზე კონცენტრირებული და პროფესიონალური" იყო.
მისივე ცნობით, თავდაპირველად საუბრისთვის მხოლოდ 20 წუთი იყო გამოყოფილი.
„დიდი ნაწილი, რაც მან [პუტინი] თქვა, უკვე ცნობილი იყო. მან თავისი მოსაზრებები გაიხსენა იმასთან დაკავშირებით, თუ როგორ განვითარდა კონფლიქტი 2014 წლის შემდეგ. ჩვენ ჩვენი პოზიციები დავაფიქსირეთ. ეს კარგად ცნობილი მოსაზრებებია, რომელზეც პასუხის გაცემის შესაძლებლობა მოგვეცა. ჩვენს პოზიციებს შორის მნიშვნელოვანი აზრთა სხვადასხვაობა რჩება", - განაცხადა სტორემ.
სტორე დანიის პრემიერ-მინისტრის კრიტიკასაც გამოეხმაურა, რომელმაც განაცხადა, რომ ფინეთის პრეზიდენტისა და ნორვეგიის პრემიერ-მინისტრის ვლადიმერ პუტინთან სატელეფონო საუბარი ევროპელ მოკავშირეებთან კოორდინირებული არ ყოფილა.
„ჩვენი ყველა პარტნიორი და მოკავშირე წინასწარ იყო ინფორმირებული და მათ საუბრის დასრულების შემდეგ დეტალური ინფორმაცია მიიღეს", - აღნიშნა ნორვეგიის პრემიერ-მინისტრმა.
ასევე, ნორვეგიის პრემიერ-მინისტრმა განაცხადა, რომ მან და ფინეთის პრეზიდენტმა ალექსანდრ სტუბმა ვლადიმერ პუტინთან მხოლოდ თავიანთი ქვეყნების სახელით ისაუბრეს და სხვა არავის.
„ჩვენ რუსეთის მეზობელი ქვეყნები ვართ. ამ ომის შედეგი პირდაპირ აისახება ჩვენს და ევროპის ფართო უსაფრთხოებაზე. ომის დასრულებას პირდაპირი მოლაპარაკებები სჭირდება"
ოქტომბერი 27 , 2026
რუსეთის პრეზიდენტმა, ვლადიმერ პუტინმა გაზის ექსპორტიორი ქვეყნების ფორუმის სამიტის პლენარული სხდომა გახსნა. რუსული მედიის ცნობით, პუტინმა არამეგობრული სახელმწიფოები გააფრთხილა, რომ მსოფლიო გაზის ბაზრის მონაწილეთა სიიდან რუსეთის გამორიცხვის ნებისმიერ მცდელობას სერიოზული შედეგები მოჰყვება. „იცით, რუსეთში ასეთი ანდაზა გვაქვს: „სხვისთვის ორმოს ნუ გათხრი, თორემ იქ თავად ჩავარდები“. ჩემი აზრით, სწორედ ეს მოხდა დღეს ევროკავშირის ქვეყნებში“, – განაცხადა ვლადიმერ პუტინმა. რუსეთის პრეზიდენტმა აღნიშნა, რომ მოსკოვი მსოფლიო გაზის ბაზრის ერთ-ერთი მთავარი მოთამაშეა. მისი თქმით, ბუნებრივი აირის მარაგების მოცულობით რუსეთი მსოფლიოში პირველ ადგილზეა, ხოლო მოპოვებით – მეორეზე. ამასთან, პუტინის განცხადებით, რუსეთი საზღვარგარეთ გაზის მიწოდებასთან დაკავშირებულ ყველა ვალდებულებას პასუხისმგებლობით ასრულებს, ევროპა კი რუსულ ენერგორესურსებზე უარის თქმით, საკუთარ სამრეწველო სექტორს დარტყმას თავად აყენებს. „ჩვენ შევქმენით უნიკალური საწარმოო კომპლექსი, რომელიც გაზის მიწოდების დივერსიფიკაციის, მისი გადამუშავებისა და გაზქიმიური მრეწველობის განვითარების საშუალებას გვაძლევს. ამ მძლავრ რესურსულ, სამეცნიერო და სამრეწველო ბაზას ეროვნული ეკონომიკის ზრდისთვის ვიყენებთ. ამავდროულად, საზღვარგარეთ გაზის პასუხისმგებლიანი მიმწოდებელი და საიმედო, პროგნოზირებადი პარტნიორი ვართ“, – აღნიშნა ვლადიმერ პუტინმა. მისი თქმით, მსოფლიო გაზის სექტორი ამჟამად სერიოზულ რყევებს განიცდის. თუმცა, გაზის ფასები შესაძლოა, ისევე მკვეთრად შემცირდეს, როგორც გაიზარდა. რუსეთის პრეზიდენტმა მთავარ პრობლემად მიწოდების შეფერხება დაასახელა, რადგან, მისი თქმით, ბაზარს მიწოდების დიდი მოცულობები გამოაკლდა. როგორც პუტინმა განაცხადა, მსოფლიოში გაზზე მოთხოვნა კვლავ გაიზრდება და აუცილებელია მისი მიწოდების მოცულობის გაზრდა. „დღეს მთავარი პრობლემა გაზის მიწოდების შეფერხებაა. მოკლე დროში ბაზარს მიწოდების დიდი მოცულობები გამოაკლდა. ამასთან, მოთხოვნა არსად გამქრალა. ამიტომ აუცილებელია სატრანსპორტო მარშრუტების ოპტიმიზაციის შემუშავება, ფორუმში მონაწილე ქვეყნების გეოგრაფიული მდებარეობის გათვალისწინებით, მათ შორის, ამ ქვეყნებს შორის ურთიერთოპერაციების განხორციელების გზით, ანუ ჩვენს შორის“, – განაცხადა პუტინმა.
ოქტომბერი 27 , 2026
პოლიცია შემთხვევის ადგილთან ახლოს იმყოფებოდა, სამართალდამცავებმა ავტობილის შეჩერების მიზნით, ცეცხლი გახსნეს, თუმცა ეჭვმიტანილებმა გაქცევა შეძლეს.
ოქტომბერი 27 , 2026
