ბათუმში, ჭავჭავაძის ქუჩაზე პოლიციელი დაჭრეს. ამ წუთებში ჭავჭავაძის გამზირი გადაკეტილია. ცენტრალურ ქუჩაზე მობილიზებულია პოლიცია. ადგილზე იმყოფება აჭარის პოლიციის დეპარტამენტის დირექტორი კონსტანტინე ანანიაშვილი. თვითმხილველების ცნობით, დაჭრილია პატრულის თანამშრომელი, რომელმაც ქუჩაზე ერთ-ერთი ავტომობილი გააჩერა. ავტომობილის მძღოლმა ის ცივი იარაღით ყელში დაჭრა. შს სამინისტროს თანამშრომლები და უწყების პრესსამსახური მომხდართან დაკავშირებით ოფიციალურ ინფორმაციას არ ავრცელებენ.