19.01.2023 19:40
უკრაინის პრეზიდენტის ვოლოდიმირ ზელენსკის განცხადებით, მნიშვნელოვანია, რომ უკრაინას მისმა პარტნიორებმა ტანკები მიაწოდონ.
ამის შესახებ მან ევროპული საბჭოს პრეზიდენტთან შარლ მიშელთან ერთად გამართულ პრესკონფერენციაზე განაცხადა.
„ტანკების საკითხი აქტუალური და ძალიან მგრძნობიარე რჩება. ის დამოკიდებულია ბევრ მიზეზზე და სამწუხაროდ, დამოკიდებული არ არის უკრაინის სურვილზე. რუსეთის ფედერაციის ათასობით ტანკის წინააღმდეგ ჩვენი სამხედროების სიმამაცე და უკრაინელი ხალხის მოტივაცია საკმარისი არ არის“, - განაცხადა ზელენსკიმ.
როგორც მან პრესკონფერენციაზე აღნიშნა, უკრაინას სჭირდება შესაბამისი იარაღი - პრეზიდენტის თქმით, მას უნდა ჰქონდეს ან დიდი რაოდენობით საარტილერიო სისტემა ან ადეკვატური რაოდენობის ტანკები.
„პოლონეთი მზად არის, ასევე ფინეთი, პორტუგალია, ესპანეთი და კიდევ საკმარისი რაოდენობა ქვეყნებისა, რომ უკრაინა ტანკებით უზრუნველყონ. ისინი მზად იყვნენ ეს აქამდეც გაეკეთებინათ. ჩვენ ყველა ველით იმ ქვეყნის ნებართვას, რომელსაც აქვს ამა თუ იმ შესაბამის ლიცენზიებზე უფლება“,- განაცხადა ზელენსკიმ.
ამასთან, ქვეყნის პირველმა პირმა აღნიშნა, რომ უკრაინას არა მხოლოდ პარტნიორების დახმარების იმედი აქვს, არამედ მუშაობს საკუთარი იარაღის წარმოებაზე.
მისივე თქმით, უკრაინისთვის საკმარისი არ არის ის იარაღი, რომლებსაც მას პარტნიორები აწვდიან, რადგან ზელენსკის თქმით, იარაღის მიწოდების სიჩქარეზე დამოკიდებულია ადამიანთა სიცოცხლე.
„საკმარისია თუ არა ის რასაც გვაძლევენ ? არა, არ არის საკმარისი. არ არის საკმარისი იმისთვის, რომ უფრო სწრაფად ვიმოქმედოთ. სისწრაფე და დრო მნიშვნელოვანია. ყოველი წუთი - ადამიანია. რაც უფრო სწრაფად შევძლებთ ჩვენი ტერიტორიების დეოკუპაციას, მით რაც უფრო სწრაფად შევძლებთ, ვიყოთ უფრო ძლიერები, მით მეტ მოქალაქეს შევინარჩუნებთ“,- განაცხადა პრეზიდენტმა ზელენსკიმ.
ავტორ(ებ)ი :
სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია და ცენტრალური ხელისუფლების კონტროლირებად ტერიტორიაზე იმყოფება
ივნისი 25 , 2026
„სუს-ის წარმომადგენლებმა კიდევ ერთხელ, მკაცრად მოითხოვეს საქართველოს მოქალაქე თამაზ გინტურის მკვლელობაში დამნაშავე, რუსეთის საოკუპაციო ძალების წარმომადგენლის/წარმომადგენლების მიმართ სამართლის აღსრულება.
მაისი 14 , 2026
გასული ღამის განმავლობაში მოსკოვსა და ლენინგრადის ოლქზე დრონებით თავდასხმა განხორციელდა.
აპრილი 03 , 2026
კიდევ ერთხელ მინდა, მივუსამძიმრო იმ ოჯახებს, ვისი შვილებიც გმირულად დაეცნენ ბრძოლის ველზე, კიდევ ერთხელ ვუსამძიმრებ მთლიანად ჩემს ქვეყანას და კიდევ ერთხელ ქედს ვიხრი ყველა იმ მებრძოლისა და გმირის წინაშე, ვინც სახე შეუნარჩუნა ჩვენს ქვეყანას მაშინაც და მას შემდგომაც... ჩვენი სამშობლო იქნება ძლიერი, ერთიანი და თავისუფალი,"-განაცხადა კობა კობალაძემ.
მარტი 16 , 2026
