ავიაკომპანია Air Astana-მ ყაზახეთსა და საქართველოს შორის პირდაპირი რეისების დაწყებიდან 15 წლის იუბილე თბილისში გამართული ღონისძიებით აღნიშნა, რომელსაც ქართული მედიის წამყვანი წარმომადგენლები ესწრებოდნენ.

მგზავრთა და სატვირთო გადაზიდვების გაყიდვების დირექტორმა სერიკ რის-ულიმ და კავკასიის რეგიონულმა გენერალურმა მენეჯერმა კარლიგაშ ომურბაევამ ორ ქვეყანას შორის საჰაერო მიმოსვლის დინამიკურ განვითარებაზე ისაუბრეს.

მარშრუტი, რომელიც 2011 წელს ალმათისა და თბილისის მიმართულებით კვირაში სამი რეისით გაიხსნა, ცენტრალურ აზიასა და კავკასიას შორის ერთ-ერთ ყველაზე განვითარებულ საჰაერო ქსელად ჩამოყალიბდა. 2026 წლის ზაფხულის სეზონზე Air Astana Group ყაზახეთსა და საქართველოს შორის კვირაში 44-მდე რეისს ასრულებს.

15 წლის განმავლობაში Air Astana Group-მა ყაზახეთსა და საქართველოს შორის 1,5 მილიონზე მეტი მგზავრი გადაიყვანა და მზარდი მოთხოვნის შესაბამისად, ეტაპობრივად გაზარდა ფრენების სიხშირე და გააფართოვა მიმართულებების ქსელი.

2025 წელს Air Astana Group-მა ორ ქვეყანას შორის 270 000-ზე მეტი მგზავრის გადაყვანით ახალი რეკორდული მაჩვენებელი დააფიქსირა, რაც წინა წელთან შედარებით 17%-ით მეტია.

ჯგუფი ალმათის, ასტანას, აქტაუსა და ატირაუს თბილისთან, ბათუმსა და ქუთაისთან აკავშირებს. ამასთან, მგზავრებს სთავაზობს მოსახერხებელ შემდგომ კავშირებს ალმათისა და ასტანის ჰაბების გავლით ყაზახეთის, ცენტრალური აზიის, ჩინეთის, ინდოეთისა და სხვა რეგიონების მიმართულებით.

საქართველოსა და ყაზახეთს შორის მოგზაურობაზე მოთხოვნის შემდგომი ზრდის ფონზე, Air Astana აგრძელებს ორ ქვეყანას შორის ტურიზმის, ბიზნესისა და კულტურული გაცვლის შესაძლებლობების გაფართოებას.

განვითარებული რეგიონული ქსელის, არაერთი ჯილდოთი აღიარებული მომსახურებისა და მოსახერხებელი კავშირების წყალობით, Air Astana Group საქართველოს, ყაზახეთსა და ცენტრალური აზიისა და მის ფარგლებს გარეთ მდებარე მნიშვნელოვან მიმართულებებს შორის საიმედო დამაკავშირებელ რგოლად რჩება.