გერმანიაში, შპანგდალემის ამერიკულ ავიაბაზაზე F-16 ტიპის გამანადგურებელი ჩამოვარდა.

პილოტმა კატაპულტირება წარმატებით შეძლო და ამჟამად სამედიცინო დახმარებას იღებს.

აშშ-ის სამხედრო უწყების განცხადებით, შემთხვევის მიზეზები გამოძიების პროცესშია. ავიაკატასტროფის ადგილზე გადაუდებელი დახმარების სამსახურები მუშაობენ.

„თვითმფრინავი შპანგდალემის ავიაბაზაზე ბრუნდებოდა გეგმური საწვრთნელი ფრენიდან, რომელშიც ოთხი F-16 მონაწილეობდა, როდესაც ავარია მოხდა“, — ნათქვამია სამხედრო უწყების განცხადებაში.